Banorët vazhdojnë të mbesin jashtë shtëpive të tyre në Bjeshkët e Nemuna, shkaku i zjarreve të pakontrolluara.

Është ky fshati Shtupeç i Madh i Rugovës, në Komunën e Pejës që tash e disa ditë vazhdon të jetë në përballje me zjarrin.

Zjarrfikës, Policia e Kosovës e FSK-ja janë në përpjekje të vazhdueshme që të ndalin këtë zjarr tash e disa ditë.

Muhamet Shoshi përfaqësues i parkut nacionale në Pejë, ka thënë për arbresh.info, se zjarri tashmë ka dalur nga kontrolli.

“Tash e sa ditë jemi duke tentuar të ndalim këtë zjarr. Në ndihmë na ka dalur edhe KFOR-i. Temperaturat e larta e tash edhe era po bëjnë që ky zjarr të dal nga kontrolli. Bëhet fjalë për një sipërfaqe të madhe të përfshirë nga zjarri. Banorët janë evakuuar nga shtëpitë”, ka deklaruar Shoshi.

Edhe Butrint Lajçi, komandant i zjarrfikësve ka bërë të ditur se  era e madhe po bënë që zjarri të dal jashtë kontrolli.

“Me këto kapacitete që i kemi ne po mundohemi të intervenojmë”.

Kujtojmë se nga zjarri ditëve të fundit janë duke u përballur edhe vendet e rajonit, situatë në e rënduar është në Maqedoninë e Veriut. Atje është shpallur gjendje e jashtëzakonshme për 30 ditët e fundit./arbresh.info/Foto: Ruzhdi Pacolli/